KASBIY PEDAGOGIK MAHORATNI SHAKLLANTIRISHDA MILLIY QADRIYATLAR VA USTOZ-SHOGIRD AN'ANALARINING UYG'UNLIGI

Mazkur maqolada kasbiy pedagogik mahoratni shakllantirish jarayonida milliy qadriyatlar va ustoz-shogird an’analarining o‘zaro uyg‘unligi ilmiy jihatdan tahlil qilinadi. Milliy tarbiya tizimi asrlar davomida shakllangan boy ma’naviy merosga tayanib, zamonaviy pedagogika tamoyillari bilan uzviy bog‘lanishi ta’kidlanadi. Ustoz-shogird an’anasi nafaqat bilim va ko‘nikmalarni avloddan-avlodga yetkazish vositasi, balki kasbiy mahorat, odob-axloq, mas’uliyat va kasbiy madaniyatni shakllantirishning samarali mexanizmi sifatida ko‘rib chiqiladi. Tadqiqotda pedagogik kompetensiya, milliy mentalitet va innovatsion yondashuvlarning uyg‘unlashuvi natijasida ta’lim-tarbiya sifatini oshirish imkoniyatlari yoritilgan.