"OILADA YOSHLAR SHAXSIY IDENTITETIGA IJTIMOIY TARMOQLAR TA'SINING PSIXOLOGIK XUSUSIYATLARI VA MUAMMOLARIGA YECHIMLAR"

Ushbu ilmiy ish yoshlar shaxsiy identitetining shakllanishida ijtimoiy tarmoqlarning ijtimoiy-psixologik ta’sirini tahlil qiladi. Tadqiqotda Erik Eriksonning psixososial rivojlanish nazariyasi, James Marcianing identitet maqomlari nazariyasi, Leon Festingerning ijtimoiy taqqoslash nazariyasi va Henri Tajfelning ijtimoiy identitet nazariyasi asos sifatida ishlatilgan. Tahlillar ijtimoiy tarmoqlarning ikki tomonlama ta’sirini ko‘rsatadi: konstruktiv (ijtimoiy qo‘llab-quvvatlash, o‘zini ifoda etish, ijodiy va kasbiy rivojlanish) va destruktiv (idealizatsiyalangan obrazlar, tashqi bahoga qaramlik, kiberbulling, virtual va real “men” tafovuti). Tadqiqot natijalari raqamli savodxonlikni oshirish, tanqidiy fikrlashni rivojlantirish va o‘z-o‘zini baholashni ichki qadriyatlarga asoslash orqali identitetni sog‘lom shakllantirish bo‘yicha tavsiyalarni o‘z ichiga oladi.