CHAQALOQLARDA ONA SUTI BILAN OZIQLANISHNING IMMUN TIZIMIGA TA'SIRI

Mazkur maqolada chaqaloqlarda ona suti bilan oziqlanishning immun tizimiga ta’siri yoritilgan. Homiladorlik davridan boshlab ona va bola o‘rtasida shakllanadigan uzviy biologik aloqa tug‘ilgandan keyin ham ona suti orqali davom etadi. Ona suti tarkibida mavjud bo‘lgan oziq moddalar, vitaminlar, fermentlar hamda immunologik faol komponentlar chaqaloq organizmining to‘g‘ri rivojlanishida muhim ahamiyat kasb etadi. Xususan, immunoglobulinlar, laktoferin va lizotsim kabi himoya omillari chaqaloqni turli infeksion kasalliklardan himoya qilib, uning immun tizimini mustahkamlashga xizmat qiladi.