ЎЗБЕКИСТОНДА САЙЛОВ ТИЗИМИНИ ТАКОМИЛЛАШТИРИШНИНГ КОНЦЕПТУАЛ АСОСЛАРИ: МИЛЛИЙ МОДЕЛ ВА ХАЛҚАРО СТАНДАРТЛАР УЙҒУНЛИГИ

Ўзбекистонда замонавий сайлов тизимини яратиш, сайлов қонунчилигини 
такомиллаштириш, сайловларни умумэътироф этилган халқаро тамойилларга 
мослаштириш, имплементация қилиш борасида мунтазам изчил изланишлар олиб 
борилмоқда. Бунда сайлов жараёнларини тартибга солиш, мавжуд муаммоларни 
бартараф этиш, фуқароларнинг ўз хоҳиш-иродаларини эркин билдиришларини 
кафолатлаш, ҳар бир фуқаронинг давлат ҳокимияти вакиллик органларига эркин 
сайлаш ва сайланиш ҳуқуқини тўлиқ таъминлайдиган демократик қонунчиликни 
ривожлантириш ҳамда мамлакатимизда сайловларга тайёргарлик ва ўтказиш 
жараёнлари миллий модулини халқаро андозалар асосида хорижий энг илғор сайлов 
қонунчилиги даражасига етказиш ҳамда амалга ошириш асосий талаб бўлиб, шу 
мақсадда қатор халқаро ҳужжатларда белгиланган принципларни миллий 
қонунчилигимизда жорий этиш асосий таомил сифатида амалга оширилмоқда.