SAN'AT JANRLARINING IJTIMOIY AHAMIYATI

Mazkur tezis maqolada san’at janrlarining jamiyat taraqqiyotidagi o‘rni hamda ularning ijtimoiy-madaniy texnologiya sifatidagi mohiyati ijtimoiy-falsafiy nuqtai nazardan tahlil qilinadi. Tadqiqotda san’at janrlari jamiyatda ma’naviy qadriyatlar, madaniy tajriba va ijtimoiy g‘oyalarni uzatishning muhim mexanizmi sifatida talqin etiladi. Shuningdek, san’at janrlarining zamonaviy ijtimoiy jarayonlar bilan o‘zaro aloqasi hamda ularning yoshlar tafakkurini yuksaltirish, dunyoqarashini kengaytirish va ijtimoiy faolligini kuchaytirishdagi imkoniyatlari ochib beriladi. Muallif san’at janrlarini ijtimoiy kommunikatsiya va madaniy ta’sirning samarali vositasi sifatida ko‘rib, ularning jamiyatning ma’naviy-madaniy rivojlanishiga xizmat qiluvchi muhim ijtimoiy texnologiya ekanligini asoslaydi.