KIBERMAKONDA SODIR ETILAYOTGAN FIRIBGARLIK JINOYATLARINING OLDINI OLISH CHORALARI

Axborot texnologiyalarining jadal rivojlanishi, internet va raqamli xizmatlarning keng ommalashuvi zamonaviy jamiyat hayotining barcha sohalariga sezilarli ta’sir ko‘rsatmoqda. Biroq raqamli transformatsiya jarayonlari bilan bir qatorda kibermakonda sodir etilayotgan jinoyatlar, xususan firibgarlik jinoyatlari ham ortib bormoqda. Internet orqali sodir etiladigan firibgarlik jinoyatlari jamiyat xavfsizligi, iqtisodiy barqarorlik va fuqarolarning shaxsiy mol-mulkiga tahdid soluvchi omillardan biri hisoblanadi. Shu sababli kibermakonda sodir etilayotgan firibgarlik jinoyatlarining oldini olish masalasi zamonaviy kriminalistika va kriminologiya fanining dolzarb yo‘nalishlaridan biri sifatida e’tirof etilmoqda.