BUXORO VILOYATI SHAROITIDA G'O'ZA MAYDONLARINI SUG'ORISHDA GIDROGEL QO'LLAB SUV RESURSINI IQTISOD QILISH

Dunyoda g‘o‘za yetishtiruvchi mamlakatlarda suv va resurstejamkor ilg‘or texnologiyalar asosida g‘o‘za va g‘o‘za majmuidagi ekinlarni tomchilatib,yomg‘irlatib va yer ostidan sug‘orish usullarini qo‘llash orqali tuproqning ekinlar ildiz tizimi tarqalgan faol qatlamlarini bir xilda namlashga erishish, yuqori filtratsiyaning oldini olish, oqovaga isrof bo‘lishi, fizik bug‘lanishni kamaytirish bilan ekinlarni mavsumiy sug‘orishdagi suv va boshqa resurslarni iqtisod qilish bo‘yicha ilmiy izlanishlar olib borilmoqda. Jahonda yangi zamonaviy innovatsion suvtejamkor texnologiyalarni takomillashtirish hisobiga ekinlardan yuqori va sifatli hosil olish muhim vazifalardan hisoblanib, iqlimning global o‘zgarishi sharoitida sug‘orishning ilg‘or usullarini ishlab chiqish va ulardan keng miqyosda foydalanish muhimdir.