ЦИФРЛАНДЫРУ ЖАҒДАЙЫНДА КӘСІПОРЫН АУДИТІН ҰЙЫМДАСТЫРУДЫ ЖАСАНДЫ ИНТЕЛЛЕКТ ЖҮЙЕСІМЕН ЖЕТІЛДІРУ

Қазақстан экономикасы дамып келе жатқан жағдайда кәсіпорындардың қаржылық тұрақтылығын қамтамасыз ету және шынайы есептілікті ұсыну өзекті мәселелердің бірі болып отыр. Цифрландыру жағдайында кәсіпорын аудитін ұйымдастыруды жасанды интеллект (ЖИ) жүйелері арқылы жетілдіру – аудиттің сапасын арттыруға, тәуекелдерді дәл анықтауға және уақытты үнемдеуге мүмкіндік береді. Қаржылық ақпараттың бұрмалануы инвесторлар мен серіктестердің сенімін төмендетіп, нарықтағы беделге кері әсерін тигізеді. Сондықтан аудитті тиімді ұйымдастыру кәсіпорынның ашықтығын арттырып, ішкі және сыртқы мүдделі тараптардың сенімін нығайтады. Аудит тек бақылау құралы ғана емес, сонымен қатар кәсіпорынның стратегиялық даму бағыттарын бағалау мен экономикалық шешімдерді оңтайландырудың маңызды факторы болып табылады.