O'TKAZGICHLARDA ELEKTR ZARYADLARNING TAQSIMLANISHI MAVZUSINI 4K YONDASHUVI ASOSIDA O'QITISH METODIKASI

Ushbu maqolada o‘tkazgichlarda elektr zaryadlarning taqsimlanishi mavzusini 4K kompetensiyalari (kritik fikrlash, kreativlik, kommunikatsiya va kollaboratsiya) asosida o‘qitish metodikasi ishlab chiqilgan. Tadqiqotda muammoli o‘qitish, modellashtirish, guruhli muhokama va reflektiv topshiriqlarni o‘z ichiga olgan didaktik model taklif qilinadi. Pedagogik tajriba 8-sinf o‘quvchilari ishtirokida o‘tkazildi. Tajriba guruhi (8A – 22 nafar o‘quvchi) 4K yondashuvi asosida o‘qitildi, nazorat guruhi (8B – 20 nafar o‘quvchi) esa an’anaviy metodika asosida ta’lim oldi. Tadqiqot natijalari 4K metodikasidan foydalangan holda o‘quvchilarning konseptual tushunish darajasi, muammo yechish ko‘nikmalari hamda ilmiy muloqot qobiliyati sezilarli darajada oshganini ko‘rsatdi. Taklif etilgan metodika fizika ta’limida kompetensiyaviy yondashuvni rivojlantirish va murakkab elektrostatik tushunchalarni samarali o‘zlashtirishga xizmat qiladi.