BANKLARDA SUN'IY INTELLEKTNI JORIY QILISHNING SAMARADORLIGINI BAHOLASH

Mazkur tezisda bank tizimida sun’iy intellekt texnologiyalarini joriy etishning iqtisodiy samaradorligi hamda uning bank faoliyatiga ta’siri tahlil qilinadi. Hozirgi kunda moliya sektorida raqamli transformatsiya jarayonlari jadallashib borayotgan sharoitda sun’iy intellekt texnologiyalari bank xizmatlarini modernizatsiya qilish, operatsion jarayonlarni avtomatlashtirish hamda risklarni samarali boshqarishning muhim vositasiga aylanmoqda. Ayniqsa, katta hajmdagi ma’lumotlarni tezkor tahlil qilish, mijozlarning moliyaviy xatti-harakatlarini o‘rganish hamda kreditga layoqatliligini aniqlash jarayonlarida sun’iy intellekt texnologiyalarining roli tobora ortib bormoqda.