निवडणूक प्रक्रियेत माध्यमे आणि सामाजिक माध्यमांची भूमिका : एक अभ्यास

        लोकशाही व्यवस्थेमध्ये निवडणूक प्रक्रिया ही लोकांच्या सार्वभौमत्वाचे प्रत्यक्ष प्रतीक असते. या प्रक्रियेमध्ये माध्यमे (Media) आणि सामाजिक माध्यमे (Social Media) ही अत्यंत प्रभावी साधने म्हणून उदयास आली आहेत. पारंपरिक माध्यमे जसे की वृत्तपत्रे, दूरदर्शन, नभोवाणी (रेडिओ) यांचा निवडणूक प्रक्रियेत महत्त्वपूर्ण वाटा आहे, तर आधुनिक काळात सामाजिक माध्यमे जसे की Facebook, WhatsApp, YouTube आणि Twitter (X) यांनी मतदारांपर्यंत पोहोचण्याची प्रक्रिया अधिक गतिमान आणि व्यापक केली आहे.माध्यमे लोकांपर्यंत माहिती पोहोचवतात, मतदारांमध्ये जागरूकता निर्माण करतात आणि लोकशाही मूल्ये बळकट करतात. तथापि, माध्यमांचा दुरुपयोग, खोटी माहिती (Fake News), दिशाभूल करणारी प्रचार सामग्री आणि पक्षपाती वृत्तांकन ही गंभीर आव्हानेही निर्माण झाली आहेत. प्रस्तुत संशोधन निबंधात निवडणूक प्रक्रियेत माध्यमे आणि सामाजिक माध्यमांची भूमिका, त्यांचे सकारात्मक आणि नकारात्मक परिणाम, तसेच भविष्यातील आव्हाने आणि उपाय यांचा सखोल अभ्यास करण्यात आला आहे.