ALISHER NAVOIY SHE'RIYATIDA QOSID OBRAZINING TURLI MAZMUNDA QO'LLANILISHIGA DOIR

Mazkur maqolada Alisher Navoiy g‘azaliyotida muhim poetik timsollardan biri bo‘lgan qosid – xabarchi obrazining badiiy-falsafiy talqini tahlil qilinadi. Tadqiqot jarayonida hudhud, qosid, sabo va nasim timsollarining funksional xususiyatlari, ularning oshiq va ma’shuqa o‘rtasidagi aloqa vositasi sifatidagi o‘rni, shuningdek, lirik qahramon ruhiy holatini ifodalashdagi estetik imkoniyatlari yoritiladi. Shoir g‘azallaridagi mazkur obrazlarning mifologik, tasavvufiy va badiiy ildizlari aniqlanib, ular orqali Navoiy poetik tafakkurining o‘ziga xos jihatlari ochib beriladi.