BO'LAJAK O'QITUVCHILAR METODIK KOMPETENTLIGINI BAHOLASH MEZONLARI VA KO'RSATKICHLARI

Mazkur maqolada bo‘lajak o‘qituvchilarning metodik kompetentligini baholash mezonlari va ko‘rsatkichlari ilmiy-nazariy asosda tahlil qilinadi. Metodik kompetentlik pedagogik tayyorgarlikning muhim tarkibiy qismi sifatida ko‘rib chiqilib, uning strukturaviy komponentlari asosida baholash tizimi ishlab chiqiladi. Tadqiqotda kompetensiyaviy yondashuv, faoliyat nazariyasi va refleksiv pedagogika tamoyillariga tayanilgan. Baholash mezonlari sifatida kognitiv, operatsion, motivatsion va refleksiv komponentlar ajratilib, har biri bo‘yicha aniq ko‘rsatkichlar ishlab chiqilgan. Ilmiy manbalar tahlili hamda tizimli yondashuv asosida taklif etilgan baholash modeli pedagog kadrlar tayyorlash jarayonida qo‘llash uchun tavsiya etiladi.