YASHIL IQTISODIYOTGA O'TISHDA MA'SULIYATLI ISTE'MOLNING EKONOMETRIK TAHLILI

Ushbu tadqiqot yashil iqtisodiyotga o‘tishning kichik, ammo muhim qadamlardan biriga bag‘ishlanib,
iste’molchilarning ko‘p marta ishlatiladigan xaltalardan foydalanish istagiga xulq-atvor omillarining ta’siri o‘rganilgan.
Tadqiqotda “Rejalashtirilgan xulq-atvor nazariyasi” asos sifatida qo‘llanilgan bo‘lib, ko‘p marta ishlatiladigan xaltalardan
foydalanish niyatiga uchta komponent – xulq-atvorga munosabat, subyektiv me’yorlar, idrok etilgan xulq-atvor nazoratining
ta’siri ekonometrik jihatdan baholangan. Tadqiqot onlayn so‘rovnoma shaklida o‘tkazilgan va unda 80 nafar respondent
ishtirok etgan. Ekonometrik tahlil uchun tartiblangan logistik model qo‘llanilgan. Olingan natijalarga ko‘ra, O‘zbekiston
iste’molchilari ko‘p marta ishlatiladigan xaltalardan foydalanish niyatiga asosan idrok etilgan xulq-atvor nazorati ijobiy
ta’sir ko‘rsatishi aniqlangan.