СУРЕТШІДЕН ЗЕРГЕР-МОДЕЛЬЕРГЕ ДЕЙІН: ЖАҢА ТЕХНОЛОГИЯНЫ ИГЕРУ ҮДЕРІСІ

Заманауи зергерлік өнер дәстүрлі көркем қолөнер мен цифрлық өндіріс технологияларының интеграциясы нәтижесінде дамып келеді. Бұл мақала классикалық сурет және мүсіндеу тәжірибесіне ие мамандардың зергерлік салада кәсіби зергер-модельер ретінде қалыптасу үдерісін ғылыми тұрғыда талдауға арналған. Зерттеуде зергерлік бұйымдарды 3D дизайн құралдары арқылы жобалау, сондай-ақ, цифрлық модельді инвестициялық құю технологиясы негізінде асыл металдан дайындау үдерісі кезең-кезеңімен қарастырылады. Мақаланың мақсаты – көркемдік ойлау мен инженерлік-технологиялық білімнің синтезіне негізделген кәсіби дамудың құрылымдық моделін негіздеу.