ЕКІНШІ РЕТТІК ЖӘНЕ ТЕХНОГЕНДІ ШИКІЗАТ НЕГІЗДЕГІ МИНЕРАЛДЫ ТОЛЫҚТЫРҒЫШТАРДЫҢ ЦЕМЕНТ ТАСЫНЫҢ БЕРІКТІГІНЕ ӘСЕРІ

Бұл статьяда екінші реттік және техногенді шикізат негізіндегі жоғарыдисперсті толықтырғыштардың бетонның беріктік жинау кинетикасына әсерін зерттеу нәтижелері баяндалған. Зерттеулер техногенді қалдық бетон сынықтары мен карбонатты жыныстарды өңдеу кезінде түзілген қалдықтар негізіндегі толықтырғыштар бетонның беріктік жинау кинетикасын төмендетпейтінін, ал бетон сынықтары негізіндегі толықтырғыштар құрамында гидратацияланбаған цемент дәндерінің болуы есебінен бетонның беріктік жинау кинетикасы мен маркалық беріктігіне оңтайлы әсер ететінін көрсетті. Карбонатты қалдықтар негізіндегі толықтырғыштар бетонның беріктік жинау кинетикасын жылдамдатпағанымен, оның маркалық беріктігін төмендетпейтіні, цемент қамыры карбонатты толтырғышпен әрекеттескен кезде CaCO₃-Ca(OH)₂-H₂O жүйесіндегі әртүрлі құрамдағы кальций карбонатын түзіп, гидратация өнімдерінің арасында еркін орналаса алатыны және де бетонның ең қымбат компоненті цементтің шығынын төмендетуі есебінен бетонның техника-экономикалық көрсеткіштерін жақсартатыны анықталды.