KONFLIKT VAQTIDA TANA TILINING PSIXOLOGIK BELGILARI

Ushbu ilmiy tadqiqotda konflikt jarayonida namoyon bo‘ladigan tana tilining psixologik belgilari ilmiy-amaliy jihatdan tahlil qilinadi. Tadqiqotda shaxslararo ziddiyat vaqtida yuzaga keladigan noverbal xatti-harakatlar – mimika, ko‘z harakati, tana holati, imo-ishoralar, fazoviy masofa, nafas olish ritmi va mushak tarangligi kabi omillar ichki emotsional va kognitiv jarayonlarning aks etishi sifatida ko‘rib chiqiladi. Shuningdek, konflikt paytida avtonom nerv tizimi faollashuvi, stress reaksiyasi, emotsional qo‘zg‘alish hamda ularning tana ifodasidagi ko‘rinishlari yoritilgan. Tadqiqotimiz davomida, tana tilining konflikt dinamikasiga ta’siri, tajovuzkorlik, himoyalanish, bo‘ysunish yoki chekinish kabi psixologik holatlarning noverbal belgilar orqali qanday namoyon bo‘lishi aytib o’tiladi. Tadqiqot natijalari konfliktologiya va amaliy psixologiya sohasida samarali muloqot va psixologik munosabatlarni shakllantirish uchun nazariy asos yaratadi.