"QO'RQMA" ROMANIDA TARIXIY DISKURS TURLARI HAQIDA (Javlon Jovliyevning "Qo'rqma" asari misolida)

Mazkur maqolada Javlon Jovliyevning “Qo‘rqma” romanida tarixiy diskurs turlarining badiiy ifodasi tahlil qilinadi. Asarda tarixiy voqeliklarning siyosiy, yuridik, publisistik, televideniya, badiiy, duo, taom hamda epistolyar (xatlar bilan bog‘liq) diskurslar orqali aks ettirilishi ochib beriladi. Tadqiqot jarayonida diskurs tushunchasining lingvistik va ijtimoiy xususiyatlari yoritilib, tarixiylikning emotsionallik, informativlik va badiiylik bilan uyg‘unlashuvi misollar asosida ko‘rsatib beriladi. Roman matnida tarixiy diskurslar muallif g‘oyasini yetkazishda muhim stilistik va semantik vosita sifatida xizmat qilishi asoslab beriladi.