ЁВВОЙИ НОК (PYRUS PYRASTER) МЕВАСИ ҚУРУҚ ЭКСТРАКТИНИНГ ГИПОГЛИКЕМИК ФАОЛЛИГИ

Ушбу фармако-токсикологик тадқиқотларда ёввойи нок меваси қуруқ экстрактининг ўткир заҳарлилиги аниқланди ҳамда унинг гипогликемик фаоллиги аллоксан билан чақирилган диабет шароитида ўрганилди. Дастлаб қуруқ экстрактдан 20 % ли суспензия тайёрланиб, у оқ сичқонларга оғиз орқали 1000 мг/кг дан 5000 мг/кг гача бўлган дозаларда юборилди. Оқ сичқонларда 14 кун давомида физиологик ва токсикологик ўзгаришлар кузатиб борилди. Кейинги тажрибаларда ёввойи нок (Pyrus pyraster L.) меваси қуруқ экстрактининг специфик гипогликемик фармакологик фаоллиги аллоксан билан чақирилган диабет моделида баҳоланди. Тажрибалар оқ каламушларда олиб борилиб, аллоксан моддаси қорин бўшлиғига 150 мг/кг дозада юборилди. Оқ каламушлар беш гуруҳга бўлиниб, ўрганилаётган қуруқ экстракт гуруҳларга мос равишда 150 мг/кг, 200 мг/кг ва 500 мг/кг дозаларда қўлланилди. Референс препарат сифатида БФҚ  Фитодиабетол (МЧЖ “Акташ Фарм”) 100 мг/кг, дозада олинди