IJTIMOIY TARMOQLAR ORQALI TIL VA MADANIYATNING O'ZARO TA'SIRI

Mazkur maqolada ijtimoiy tarmoqlar sharoitida til va madaniyatning o‘zaro ta’siri masalasi ilmiy-nazariy va amaliy jihatdan tahlil qilinadi. Globallashuv jarayonlari, raqamli kommunikatsiya vositalari, xususan, Facebook, Instagram, Telegram, TikTok kabi platformalar orqali yuz berayotgan til o‘zgarishlari, yangi leksik birliklarning paydo bo‘lishi, madaniy kodlarning almashinuvi va transformatsiyasi ko‘rib chiqiladi. Shuningdek, ijtimoiy tarmoqlarning milliy til me’yorlari, nutq madaniyati va identifikatsiya jarayonlariga ta’siri ochib beriladi. Tadqiqot natijalari shuni ko‘rsatadiki, ijtimoiy tarmoqlar til va madaniyat o‘rtasidagi o‘zaro ta’sirni tezlashtiruvchi va chuqurlashtiruvchi omil sifatida namoyon bo‘lmoqda.