Yassaviy hikmatlarini adabiy sharhlash usuli orqali o'qitish

Maqolada Ahmad Yassaviy qalamiga mansub hikmatlarning mazmun-mohiyati ilmiy jihatdan tahlil qilinib,
ularni tushunishda yuzaga keladigan asosiy muammolar yoritilgan. Hikmatlarni to‘g‘ri anglash jarayonida o‘quvchi faqat
lug‘atlarga emas, balki sharh va izohlarga ham ehtiyoj sezishi asoslab berilgan. Mumtoz asarlarni o‘qitishda adabiy
sharhlash usulining nazariy va amaliy ahamiyati ochib berilgan. Shuningdek, Alisher Navoiy va Ahmad Yassaviy kabi
mumtoz adabiyot namoyondalarining ayrim asarlarini qiyosiy tahlil qilish orqali umumiy mazmuniy va g‘oyaviy sharhlar
berish imkoniyati tadqiq etilgan. Adabiy sharh usulidan foydalangan holda dars jarayonini samarali tashkil etish uchun
topshiriqlar ishlab chiqilgan hamda sharhlarni tushunarli va ta’sirchan yetkazish maqsadida interaktiv metodlardan foydalanish
yo‘llari ko‘rsatib berilgan