O'ZBEK QIZIQCHILARI NUTQIDA HAJVIYLIKNI YUZAGA KELTIRUVCHI FONOSTILISTIK USUL VA VOSITALAR

Maqolada qiziqchilar nutqida hajviylikni yuzaga keltirishda muhim o‘rin tutuvchi fonostilistik vositalar – intonatsiya, urg‘u, pauza, tovush cho‘zish, fonetik takror, alliteratsiya, assonans kabi birliklarning funksional xususiyatlari ko‘rib chiqiladi. Ushbu vositalarning komik effekt hosil qilishdagi o‘rni, tinglovchiga emotsional-ta’sirchan ta’sir ko‘rsatish mexanizmlari hamda nutq jarayonidagi pragmatik ahamiyati tahlil qilinadi. Tadqiqot davomida fonostilistik unsurlarning qiziqchi nutqida obrazlilikni kuchaytirish, vaziyatli kulgi yaratish va auditoriya bilan interaktiv aloqa o‘rnatishdagi roli misollar asosida ochib beriladi. Natijada qiziqchi nutqining fonostilistik xususiyatlari uning hajviy-estetik tabiati bilan chambarchas bog‘liq ekani ilmiy jihatdan asoslanadi.