Eraldaketa ekosozialerako GrAL/MALen ebaluazioaren diseinua: Eragileen parte-hartzea, funtsezko uneak eta ikerlanen segimendua egiteko errubrika

Argitalpen honek eraldaketa ekosozialera bideratutako Gradu Amaierako Lanen eta Master Amaierako Lanen laguntza, jarraipen eta ebaluaziorako gida metodologiko bat aurkezten du. Euskal Herriko Mugarik Gabeko Ingeniaritzak (ISF-MGI) unibertsitatearen eta gizarte-erakundeen arteko lankidetzan metatutako hogei urtetik gorako esperientzian oinarrituta, dokumentuak ebaluazioaren ikuspegi prozesuala eta hezitzailea proposatzen du, parte-hartzea, lan kolektiboa, konpromiso etikoa eta pentsamendu kritikoa ardatz hartuta.

Gidak lanen garapen-prozesuko une giltzarriak identifikatzen ditu, inplikatutako eragileen rolak aztertzen ditu eta ebaluazio-errubrika moldagarri bat eskaintzen du, azken produktuaren balorazio hutsetik harago, ikaskuntza, gogoeta kritikoa eta gizarte-inpaktua sustatzeko. Eredu unibertsal bat ezarri beharrean, argitalpenak ebaluazio-praktika kokatu, dialogiko eta malguen alde egiten du, eragile sozialekin elkarlanean garatutako ikerketa akademikoak duen hezkuntza- eta eraldaketa-potentziala aitortuz.

Brief description (English):

This publication presents a methodological guide for the accompaniment and evaluation of undergraduate and master’s theses oriented towards ecosocial transformation. It proposes a process-based, dialogical, and flexible evaluation approach grounded in long-term university-social organization collaboration.