INFLYATSIYA TUSHUNCHASI VA UNING MAKROIQTISODIY DETERMINANTLARI

Ushbu maqolada inflyatsiya tushunchasining nazariy mohiyati va uning asosiy makroiqtisodiy determinantlari O‘zbekiston iqtisodiyoti misolida tahlil qilinadi. Tadqiqotda inflyatsiyaga ta’sir etuvchi monetar omillar (pul massasi o‘sishi, foiz stavkasi, inflyatsion kutilmalar), real sektor omillari (yalpi talab va taklif nomutanosibligi), shuningdek fiskal taqchillik va valyuta kursi dinamikasining roli ilmiy asosda yoritiladi. O‘zbekiston sharoitida 2017 yildan keyingi iqtisodiy islohotlar va inflyatsion targetlash siyosati doirasida inflyatsiya jarayonlarining xususiyatlari baholanadi. Tadqiqot natijalari inflyatsiyaning ko‘p omilli xarakterga ega ekanligini hamda pul-kredit va fiskal siyosat uyg‘unligi narxlar barqarorligini ta’minlashda muhim ahamiyat kasb etishini ko‘rsatadi.