ISLOM ME'MORCHILIGIDA DINIY BEZAKLAR

Ushbu maqolada Islom me’morchiligida diniy bezaklarning o‘rni, rivojlanish bosqichlari va badiiy ahamiyati tahlil qilingan. Islom san’atida tasviriy san’atga qo‘yilgan cheklovlar natijasida yuzaga kelgan geometrik naqshlar, arabeskalar, xattotlik va epigrafik bezaklar keng o‘rganilgan. Maqolada Markaziy Osiyo, Yaqin va O‘rta Sharq hududlaridagi yirik me’moriy yodgorliklardan misollar keltirilgan. Tadqiqot davomida diniy bezaklarning nafaqat estetik, balki ma’naviy-falsafiy mazmuni ham ochib berilgan. Xususan, geometrik naqshlarning Allohning vahdat va azamatini ifodalash, arabeskalarning abadiylik ramzi sifatida namoyon bo‘lishi, xattotlikda Qur’on oyatlarining san’at asariga aylanishi kabi jihatlari tahlil etilgan. Shuningdek, turli davr va hududlardagi bezak uslublarining o‘ziga xos xususiyatlari qiyosiy tahlil qilinib, ularning rivojlanish tendentsiyalari ko‘rsatilgan. Maqola ilmiy adabiyotlar, arxeologik tadqiqotlar va me’moriy yodgorliklarni bevosita o‘rganish asosida tayyorlangan.