BO'LAJAK INFORMATIKA O'QITUVCHILARINING MODELLASHTIRISH KOMPETENSIYASINI RIVOJLANTIRISHDA INNOVATSION PEDAGOGIK TEXNOLOGIYALARNI QO'LLASH

Zamonaviy ta’lim tizimida informatika fani yetakchi o‘rinlardan birini egallab, jamiyatning raqamli rivojlanishiga xizmat qilmoqda. Raqamli texnologiyalarning keng joriy etilishi bo‘lajak informatika o‘qituvchilarining kasbiy tayyorgarligiga yangi talablarni qo‘ymoqda. Ushbu talablar orasida modellashtirish kompetensiyasi alohida ahamiyatga ega bo‘lib, u murakkab jarayonlarni tahlil qilish, algoritmik fikrlashni rivojlantirish va real obyektlarning modellarini yaratish ko‘nikmalarini o‘z ichiga oladi. Shu sababli modellashtirish kompetensiyasini rivojlantirishda innovatsion pedagogik texnologiyalardan foydalanish dolzarb ilmiy-amaliy masalalardan biri hisoblanadi.