TIJORAT BANKLARIDA HR TIZIMINI YANADA RIVOJLANTIRISH

Mazkur tezisda tijorat banklarida inson resurslarini boshqarish (HR) tizimini rivojlantirish masalalari tahlil qilingan. Tadqiqot jarayonida 2020–2024-yillar oralig‘ida tijorat banklarida xodimlarning malaka oshirish darajasi, motivatsiya va rag‘batlantirish mexanizmlari hamda kadrlarni tanlash va joylashtirishda innovatsion yondashuvlardan foydalanish holati statistik ma’lumotlar asosida o‘rganilgan. Tahlil natijalari bank tizimida xodimlarning kasbiy salohiyatini oshirish, mehnat unumdorligini yaxshilash va xizmatlar sifatini ta’minlashda HR tizimining muhim ahamiyatga ega ekanini ko‘rsatdi. Shuningdek, raqamli texnologiyalar va zamonaviy boshqaruv yondashuvlarini joriy etish tijorat banklari faoliyati samaradorligini oshirishga xizmat qilishi asoslab berildi.