JINOYAT PROTSESSIDA XALQ VAKILLARI HAY'ATI INSTITUTINI JORIY ETISHNING AHAMIYATI

Mazkur maqolada sud protsessida xalq vakillari hay’ati institutini joriy etishning nazariy-huquqiy va tashkiliy asoslari tahlil qilinadi. O‘zbekiston Respublikasining amaldagi sud-huquq tizimi va jinoyat-protsessual qonunchiligi o‘rganilib, unda xalq vakillari hay’ati instituti mavjud emasligi hamda fuqarolarning sudlovni amalga oshirishdagi ishtiroki cheklanganligi asoslab beriladi. Ingliz huquqi tizimidagi xalq vakillari hay’ati instituti, uning protsessual mexanizmlari va sud amaliyotidagi o‘rni ilmiy va qiyosiy tahlil qilinib, milliy qonunchilikka mazkur institutni joriy etish bo‘yicha amaliy takliflar ishlab chiqiladi.