BOBUR LIRIKASI MISOLIDA O'QUVCHILARNING TANQIDIY VA IJODIY FIKRLASHINI RIVOJLANTIRISHDA PROBLEMALI TA'LIM TEXNOLOGIYASI

Ushbu tezis adabiyot darslarida problemali ta’lim texnologiyasidan foydalanish orqali o‘quvchilarning tanqidiy hamda ijodiy fikrlash ko‘nikmalarini rivojlantirish masalasini Bobur lirikasini o‘rganish misolida yoritadi. Bobur g‘azal va ruboiylarida ko‘pma’nolilik, ramziy qatlam, qarama-qarshi hissiyotlar va badiiy vositalarning nozik o‘zaro bog‘lanishi mavjud bo‘lib, aynan shu xususiyatlar darsda muammoli vaziyat yaratish uchun qulay didaktik asos bo‘la oladi. Muammoli vaziyat matnning “tugun joy”laridan keltirib chiqarilganda, o‘quvchi tayyor talqinni kutishdan ko‘ra faraz ilgari suradi, dalil izlaydi va o‘z xulosasini matn ichidagi til birliklari bilan asoslashga o‘tadi. Natijada adabiy tahlil jarayoni faollashadi, talqinlar xilma-xilligi yuzaga keladi va ijodiy ifoda ko‘nikmalari ham tanqidiy baholash bilan birga shakllanadi.