BERDAX BADIIY TAFAKKURIDA INSON VA JAMIYAT MUNOSABATI

Ushbu maqolada XIX asr qoraqalpoq adabiyotining yirik namoyandasi Berdaq ijodida inson va jamiyat munosabatining badiiy talqini ilmiy jihatdan tahlil qilinadi.

Shoir asarlarida inson shaxsining jamiyatdagi o‘rni, ijtimoiy tengsizlik, adolatsizlik va ma’naviy mas’uliyat masalalari qanday yoritilgani o‘rganiladi. Berdaq badiiy tafakkurida inson jamiyat ta’sirida shakllanuvchi, biroq ma’naviy qadriyatlar orqali unga qarshi turishga qodir shaxs sifatida tasvirlanadi. Maqolada shoir ijodidagi xalqparvarlik, ijtimoiy tanqid va adabiy realizm unsurlari inson–jamiyat munosabatlari bilan uzviy bog‘liq holda tahlil qilinadi. Tadqiqot davomida tarixiy-adabiy va tahliliy metodlardan foydalanildi. Tadqiqot natijalari Berdaq ijodining ijtimoiy-falsafiy ahamiyatini ochib berishga xizmat qiladi.