ЭКОЛОГИК ҲУҚУҚИЙ НИЗОЛАР ОДДИЙ ХУСУСИЙ-ҲУҚУҚИЙ НИЗОЛАРДАН ТУБДАН ФАРҚИ

Сўнгги ўн йилликларда экологик муаммолар инсоният тараққиётининг глобал чақириқларидан бирига айланди. Иқлим ўзгариши, биологик хилма-хилликнинг қисқариши, сув ва ҳаво ресурсларининг ифлосланиши, саноат ва қишлоқ хўжалиги фаолияти билан боғлиқ экологик хавфлар ҳуқуқий тартибга солишни кучайтиришни тақозо этмоқда. Шу билан бирга, экологик муносабатларнинг мураккаблашуви экологик ҳуқуқий низолар сонининг ошишига олиб келмоқда.