O'QUV JARAYONIDA RAQAMLI ETIKA TAMOYILLARINI JORIY ETISH UCHUN TAHLILIY PLATFORMA MODELINI ISHLAB CHIQISH

Mazkur maqolada oliy ta’lim muassasalarida o‘quv jarayoniga raqamli etika (digital ethics) tamoyillarini tizimli ravishda joriy etish masalalari tadqiq etiladi. Tadqiqotning asosiy maqsadi — raqamli muhitda ta’lim jarayonining shaffofligi, akademik halollik, ma’lumotlar xavfsizligi va mas’uliyatli raqamli xulq-atvorni ta’minlashga xizmat qiluvchi tahliliy platforma modelini ishlab chiqishdir. Tadqiqot metodologiyasi sifatida tizimli tahlil, kontent tahlil, taqqoslama yondashuv hamda model asosida loyihalash usullaridan foydalanildi. Tadqiqot natijasida raqamli etika indikatorlari asosida ishlovchi, monitoring va baholash funksiyalariga ega bo‘lgan konseptual tahliliy platforma modeli taklif etildi. Mazkur model ta’lim jarayonida raqamli madaniyatni rivojlantirish, akademik buzilishlar xavfini kamaytirish va ta’lim sifatini oshirishda amaliy ahamiyatga ega.