Talabalarda algoritmik kompetentlikni rivojlantirishning sun'iy intellekt va Big Data Analytics asosida o'quv faoliyatini real vaqt rejimida kuzatuvchi va boshqaruvchi konseptual modelni takomillashtirish

Mazkur maqolada oliy ta’lim muassasalarida talabalar algoritmik kompetentligini rivojlantirish jarayonini
samarali boshqarish maqsadida sun’iy intellekt (AI) va Big Data Analytics texnologiyalariga asoslangan, o‘quv faoliyatini
real vaqt rejimida kuzatuvchi va boshqaruvchi takomillashtirilgan konseptual model ishlab chiqilgan. Tadqiqotda Learning
Analytics, Educational Data Mining hamda Machine Learning yondashuvlari asosida talabalar faoliyatini uzluksiz monitoring
qilish, tahlil etish, bashoratlash va adaptiv pedagogik qarorlar qabul qilish mexanizmlari ilmiy asoslab berilgan.
Model tarkibiga ma’lumotlarni yig‘ish moduli, analitik yadro, qaror qabul qilish tizimi, vizual kuzatuv paneli va refleksiya
komponenti kiritilgan. Tajriba-sinov natijalari ishlab chiqilgan model an’anaviy monitoring tizimlariga nisbatan aniqlik, tezkorlik
va individuallashtirish ko‘rsatkichlari bo‘yicha sezilarli ustunlikka ega ekanini ko‘rsatdi. Tadqiqot natijalari O‘zbekiston
ta’lim tizimida AI va Big Data texnologiyalariga asoslangan data-driven boshqaruv platformalarini joriy etish uchun
muhim ilmiy-metodik asos bo‘lib xizmat qiladi