ZAMONAVIY SHAROITDA BIZNES FAOLIYATINI RIVOJLANTIRISHNING ASOSIY YO'NALISHLARI

Mazkur maqolada zamonaviy iqtisodiy sharoitda biznes faoliyatini rivojlantirishning asosiy yo‘nalishlari ilmiy jihatdan tahlil qilinadi. Tadqiqotda biznes subyektlari rivojiga ta’sir etuvchi asosiy omillar — investitsiyalar, innovatsion faoliyat, raqamli infratuzilma va inson kapitalining ahamiyati aniqlangan. Nazariy tahlil bilan bir qatorda miqdoriy (ekonometrik) usullar asosida empirik tadqiqot olib borilib, ko‘p omilli regressiya modeli orqali tanlangan omillarning biznes faoliyatiga ta’sir darajasi baholangan. Tadqiqot natijalari investitsiyalar va raqamli texnologiyalarning biznes subyektlari o‘sishida muhim rol o‘ynashini ko‘rsatdi. Olingan xulosalar biznes faoliyatini rivojlantirish bo‘yicha ilmiy asoslangan tavsiyalar ishlab chiqish uchun xizmat qiladi.