MUSIQA NAZARIYASI ASOSIDA O'QUVCHILARDA MUSIQIY TAFAKKUR VA IJROCHILIK MAHORATINI RIVOJLANTIRISH MASALALARI

Mazkur maqolada musiqa nazariyasi fanining o‘quvchilarda musiqiy tafakkur va ijrochilik mahoratini shakllantirishdagi o‘rni ilmiy-pedagogik jihatdan tahlil qilinadi. Musiqiy tafakkur musiqiy idrok, eshitish, tahlil va ijodiy fikrlash jarayonlarining uzviy birligi sifatida talqin etilib, nazariy bilimlarning amaliy ijro bilan uyg‘unlashuvi masalasi asoslab beriladi. Tadqiqot davomida musiqa nazariyasi mashg‘ulotlarida ritm, temp, dinamika, artikulyasiya va garmoniya tushunchalarini o‘rgatish orqali o‘quvchilarning musiqiy savodxonligi, eshitish madaniyati hamda ijro sifatini oshirish imkoniyatlari yoritilgan. Shuningdek, zamonaviy pedagogik va axborot-kommunikatsiya texnologiyalaridan foydalanish musiqiy ta’lim samaradorligini oshirishning muhim omili ekani ta’kidlanadi.