YASHIL OBLIGATSIYALAR: IQTISODIY FAOLLIK VA HISOB YURITISHNING DOLZARB MASALALARI

Mazkur tadqiqot O‘zbekiston qimmatli qog‘ozlar bozorida yashil obligatsiyalar va barqaror investitsiya
instrumentlarini joriy etishning iqtisodiy ahamiyati, ekologik samaradorlikni oshirishdagi o‘rni hamda bandlik va iqtisodiy
faollikka ta’sirini o‘rganishga bag‘ishlangan. ICMA Green Bond Principles, OECD va ISSB standartlari asosida yashil
moliyalashtirishning joriy etilishi ekologik loyihalarni shaffof moliyalashtirish, xalqaro investorlar ishonchini kuchaytirish
va kapital bozorining chuqurlashuviga xizmat qilishi ta’kidlanadi. IRENA, ILO va Jahon Banki ma’lumotlari asosida qayta
tiklanuvchi energiya va ekologik infratuzilma loyihalarining bandlikni oshirish, sanoatni diversifikatsiya qilish va iqtisodiy
modernizatsiyani jadallashtirishga ko‘rsatadigan ijobiy ta’siri ilmiy asosda yoritilgan. Tadqiqot natijalari yashil obligatsiyalar
O‘zbekistonning barqaror rivojlanish strategiyasida muhim moliyaviy instrument sifatida shakllanayotganini ko‘rsatadi.