KORXONALARNING MOLIYAVIY BARQARORLIGINI TAHLIL QILISHNING IQTISODIY AHAMIYATI

Bozor iqtisodiyoti sharoitida korxonalarning uzluksiz va samarali faoliyat yuritishi ularning moliyaviy holati va barqarorligiga bevosita bog‘liqdir. Moliyaviy barqarorlik korxonaning o‘z majburiyatlarini o‘z vaqtida va to‘liq bajarish, ishlab chiqarish jarayonini uzluksiz davom ettirish hamda uzoq muddatli rivojlanishni ta’minlash qobiliyatini ifodalaydi. Shu bois korxonalarning moliyaviy barqarorligini tahlil qilish iqtisodiy jihatdan muhim ahamiyat kasb etadi va u boshqaruv qarorlarini qabul qilishda asosiy analitik vositalardan biri hisoblanadi.