ЭРКАКЛАР БЕПУШТЛИГИНИ БЕЛГИЛОВЧИ ЭТИОЛОГИК ОМИЛЛАРНИ КЛИНИК-ГЕНЕТИК ЖИҲАТДАН ЎРГАНИШ

Ушбу мақолада эркаклар бепуштлигини белгилайдиган этиологик омиллар клиник ва генетик жиҳатдан таҳлил қилинган. Клиник сабаблар сифатида варикоцеле, крипторхизм, инфекцион-яллиғланиш касалликлари ва эндокрин бузилишлар кўриб чиқилган. Генетик омиллар орасида хромосом аномалиялар, Y-хромосоманинг AZF минтақалари микроделецийлари ҳамда айрим ген мутацияларининг аҳамияти ёритилган. Шунингдек, эркаклар бепуштлигини аниқлашда клиник-генетик диагностика усулларининг роли ва уларнинг амалий аҳамияти кўрсатиб берилган. Мақола материаллари бепуштлик сабабларини эрта аниқлаш ва самарали даволаш стратегияларини ишлаб чиқишда муҳим аҳамиятга эга.