ТЕРРОРИЗМ ЖИНОЯТИНИНГ ЖИНОИЙ-ҲУҚУҚИЙ БЕЛГИЛАРИ

Ушбу мақолада Ўзбекистон Республикаси Жиноят кодексининг 155-моддасида назарда тутилган терроризм жиноятининг жиноий-ҳуқуқий мазмуни ҳар томонлама таҳлил қилинган. Хусусан, терроризм жиноятининг тушунчаси, ижтимоий хавфлилиги, объекти, объектив ва субъектив томонлари, жиноят субъекти ҳамда жазо тайинлаш масалалари илмий-назарий ва амалий жиҳатдан ёритилган. Шунингдек, терроризм жиноятини бошқа ўхшаш жиноят таркибларидан фарқлаш, жиноятни тўғри квалификация қилиш ҳамда терроризмга қарши курашда жиноий жавобгарликдан озод қилиш институтининг аҳамияти асослаб берилган. Мақолада миллий қонунчилик нормалари таҳлили орқали терроризм жиноятига нисбатан давлатнинг қатъий ва муросасиз жиноят-ҳуқуқий сиёсати очиб берилган.