Nutqiy rivojlanishda muammosi bor bolalarda fonematik eshituvni shakllantirishning samarali usullari

Ushbu maqolada nutqiy rivojlanishida muammolari mavjud bo‘lgan bolalarda fonematik eshituvni shakllantirishning samarali pedagogik va logopedik usullari yoritilgan. Fonematik eshituv nutq tovushlarini farqlash, tahlil qilish va ularning semantik ahamiyatini anglash jarayonini ta’minlovchi asosiy psixolingvistik mexanizm hisoblanadi. Tadqiqotda fonematik eshituvni rivojlantirishga yo‘naltirilgan maxsus mashqlar, o‘yin texnologiyalari va multimodal metodlardan foydalanildi. Olingan natijalar tizimli va bosqichma-bosqich tashkil etilgan korreksion-pedagogik ishlar bolalarning nutqiy rivojlanish darajasini sezilarli yaxshilashini ko‘rsatdi.