JAMOAT XAVFSIZLIGI BO'YICHA DAVLAT-XUSUSIY SHERIKLIK MUNOSABATLARIDA KELIB CHIQADIGAN NIZOLAR: SUD QARORLARI ASOSIDA HUQUQIY TAHLIL VA AMALIY XULOSALAR

Maqolada jamoat xavfsizligi yo‘nalishida davlat-xususiy sheriklik (DXSh) loyihalarini amalga oshirish jarayonida yuzaga keladigan nizolar hamda ularni sud tartibida ko‘rib chiqish amaliyotining huquqiy xususiyatlari tahlil qilinadi. Tadqiqot DXSh shartnomalarining huquqiy tabiati, majburiyatlarni bajarish mezonlari va shartnoma talqini, taraflarning javobgarligi hamda risk taqsimotining sud amaliyotida aks etishiga qaratilgan. Sud ishlarida ko‘p uchraydigan masalalar sifatida shartnoma predmetining aniqligi, xizmat sifati va natijadorligini isbotlash (KPI/SLA), qabul-topshirish hujjatlarining isbot kuchi, to‘lov intizomi, jarimalar va kompensatsiya, fors-major, shartnomani o‘zgartirish yoki bir tomonlama bekor qilish asoslari ko‘rib chiqiladi. Shuningdek, ma’lumotlar himoyasi va kiberxavfsizlik, maxfiylik majburiyatlari, shaffoflik va korrupsiyaga qarshi komplaens, manfaatlar to‘qnashuvi kabi omillar nizolarni kvalifikatsiya qilish va dalillashda muhim determinantlar sifatida baholanadi.

Maqola yakunida sud amaliyotidan kelib chiqib DXSh shartnomalarini tuzish, ijro etish va nizolarni oldini olish bo‘yicha amaliy-huquqiy tavsiyalar ishlab chiqiladi.