ИНТЕРВЬЮ ЖАНРИДА УНДАЛМАЛАРНИНГ ВОҚЕАЛАНИШИ

Мақола қорақалпоқ, инглиз ва ўзбек медиамайдонларидаги интервью жанридаги ундалмаларнинг воқеаланишини таҳлил қилишга бағишланган. Таҳлил иштирокчиларнинг ижтимоий мақоми, мулоқотдаги ўзаро муносабатлари, нутқнинг расмий ва норасмий хусусиятлари ҳамда эмоционал тоналликни белгилашда ундалмаларнинг амалий аҳамиятини очиб беради. Инглиз тилида ундалмалар асосан расмий ва статусни кўрсатувчи формулалар орқали, қорақалпоқ ва ўзбек тилларида эса институционал номинаторлар ва контекстуал тавсифлар орқали ифодаланади. Шу билан бирга, норасмий ёки шахсий-биографик дискурсларда ундалмалар иштирокчилар орасида яқинлик ва эмоционал интеракцияни таъминлайди. Мақола медиакоммуникация ва лингвистика соҳаларида ундалмаларнинг аҳамиятини ёритади ва уларни қиёсий таҳлил қилиш имконини беради.