QARAQALPAQ XALQINIǸ MINEZ-XULQINDAǴI ETNOPSIXOLOGIYALIQ ÓZGESHELIKLER

Bul maqalada qaraqalpaq xalqınıń minez-qulqında kórinip turatuǵın etnopsixologiyalıq ózgeshelikler ilimiy-teoretikalıq jaqtan analiz etiledi. Xalıqtıń tariyxıy rawajlanıwı, sociallıq-mádeniy ortalıq, geografiyalıq sharayat hám dástúriy turmıs tárizi qaraqalpaq etnosına tán bolǵan psixologiyalıq pazıyletlerdiń qáliplesiwinde áhmiyetli faktor sıpatında qaraladı. Izertlew barısında qaraqalpaq xalqına tán sabır-taqat, miynet súygishlik, jámáátshillik, keńpeyillik, sadıqlıq hám qatiyatlılıq sıyaqlı pazıyletler etnopsixologiya kózqarasınan jaqtılandırılǵan. Maqalada etnikalıq sana, milliy minez-qulıq hám sociallıq-psixologiyalıq beyimlesiw máselelerine de ayrıqsha dıqqat qaratılıp, tálim-tárbiya hám psixologiyalıq másláhát processlerinde etnopsixologiyalıq jantasıwlardıń áhmiyeti tiykarlanıp beriledi.