ТИЖОРАТ БАНКЛАРИДА ВАЛЮТА ОПЕРАЦИЯЛАРИНИ АМАЛАГА ОШИРИШДА ВАЛЮТА СИЁСАТИНИНГ АҲАМИЯТИ

Бугунги кунда валюта бозорини либераллаштириш борасидаги ислоҳотларнинг мувафаққияти кўп жиҳатдан пул-кредит ва валюта сиёсатини такомиллаштириш, тижорат банклари фаолиятини мустаҳкамлаш ҳамда банк тизимини ривожлантириш чоралари самарадорлиги билан чамбарчас боғлиқдир. Ушбу ислоҳотларнинг самарадорлиги ва шаффофлигини тўлақони равишда юзага чиқариш, банк тизимини жаҳон банк-молия тизимига муваффақиятли равишда интеграциялаш, пул-кредит ва валюта сиёсати инструментларининг иш принципларини бозор механизмлари асосида ташкил этиш ҳамда амалга ошириш бошқа омиллар билан бир қаторда, валюта сиёсати методологиясининг такомиллаштирилган тизимига ҳам боғлиқдир.