O'QUVCHILARDA REFLEKSIV TAFAKKURNI RIVOJLANTIRUVCHI SAMARALI PEDAGOGIK USULLAR TIZIMI

Zamonaviy ta’limning global strategiyasi o‘quvchini axborotni passiv qabul qiluvchidan, o‘z o‘quv faoliyatini loyihalashtiruvchi faol subyektga aylantirishga yo‘naltirilgan. Ushbu kontekstda refleksiv tafakkur shaxsning metakognitiv (o‘z bilish jarayonini bilish) qobiliyatlarini rivojlantirishda fundamental ahamiyat kasb etadi. Refleksiya nafaqat dars yakunidagi xulosa, balki o‘quvchining o‘z intellektual salohiyatini anglash, xatolarni tuzatish va yangi bilim olish strategiyasini tanlash mexanizmidir.