AYRIM TURDAGI TOVARLARNING (85-GURUH TOVARLARI MISOLIDA) TIF TN KODINI ANIQLASHNING NAZARIY VA AMALIY ASOSLARI

Mazkur maqolada Tashqi iqtisodiy faoliyat tovar nomenklaturasi (TIF TN) tizimida muhim o‘rin egallagan 85-guruh tovarlarining tasnifiy xususiyatlari hamda ularning TIF TN kodini aniqlash jarayonining nazariy va amaliy jihatlari tahlil qilinadi. Tadqiqot davomida elektr mashinalari, elektron uskunalar va ularning qismlarini to‘g‘ri tasniflashda asos bo‘ladigan mezonlar, jumladan tovarning funksional vazifasi, texnik xususiyatlari, konstruktiv tuzilishi va hujjatlashtirish talablari o‘rganildi. Shuningdek, bojxona amaliyotida uchraydigan tasniflashdagi xatolar va ularni bartaraf etishda bojxona ekspertizasining roli yoritib berildi. Maqola natijalari 85-guruh tovarlari bo‘yicha TIF TN kodini aniqlashda ilmiy yondashuvni kuchaytirish, bojxona nazoratini takomillashtirish hamda tashqi iqtisodiy faoliyat ishtirokchilari uchun amaliy ahamiyat kasb etadi.