Rivojlanayotgan bozorlar moliyaviy integratsiyasining moliyaviy barqarorlikka ta'siri: Markaziy Osiyo misolida

Mazkur maqolada rivojlanayotgan bozorlarning moliyaviy integratsiyasi va uning moliyaviy barqarorlikka ta’siri Markaziy Osiyo mamlakatlari misolida tahlil qilingan. Tadqiqot 2021–2025 yillar davomida O‘zbekiston, Qozog‘iston, Tojikiston, Qirg‘iziston va Turkmanistonning moliyaviy integratsiya darajasi hamda barqarorlik ko‘rsatkichlarini qamrab oladi. Xalqaro moliya institutlari va markaziy banklar ma’lumotlari asosida moliyaviy integratsiyaning ijobiy jihatlari bilan bir qatorda, tashqi shoklarga sezuvchanlikni oshiruvchi omillari aniqlangan. Tadqiqot natijalari moliyaviy integratsiya iqtisodiy o‘sishni rag‘batlantirishi bilan birga, makroiqtisodiy va moliyaviy risklarni kuchaytirishi mumkinligini ko‘rsatadi. Maqolada mintaqaviy moliyaviy barqarorlikni mustahkamlashga qaratilgan ilmiy-amaliy taklif va tavsiyalar ishlab chiqilgan.