UZUNLIKKA SAKROVCHI SPORTCHILARNING MASHGʻULOT JARAYONINI TABAQALASHTIRILGAN YONDASHUV ASOSIDA TUZISH

Mazkur maqolada sport mashg‘ulotlarida individuallashtirish tamoyilining nazariy asoslari, uning shakllanish tarixi va zamonaviy sport tayyorgarligi tizimidagi ahamiyati tahlil qilingan. Individuallik tushunchasining falsafiy, biologik va sport-pedagogik jihatlari yoritilib, sportchilar tayyorgarligida psixologik, fiziologik, morfofiziologik va funktsional xususiyatlarni hisobga olish zarurligi asoslab berilgan. Shuningdek, mashg‘ulot jarayonida individuallashtirish tamoyilini yetarli darajada qo‘llamaslik sportchilarning o‘z imkoniyatlarini to‘liq namoyon eta olmasligiga olib kelishi ilmiy manbalar asosida ko‘rsatib berilgan. Maqolada sprinterlar tayyorgarligi misolida mashg‘ulot yuklamalarini individuallashtirishning istiqbolli yo‘nalishlari ham yoritilgan.