BOSHLANG'ICH SINF O'QUVCHILARNI MA'NAVIYATINI SHAKLLANTIRISHDA HADISLAR ASOSIDA YARATILGAN HIKOYA VA RIVOYATLARDAN FOYDALANISHNING AHAMIYATI

Ushbu maqolada boshlang‘ich ta’lim jarayonida o‘quvchilarda ma’naviy-axloqiy tarbiyani shakllantirish masalalari yoritilgan. Maktab ta’limining ma’naviy qadriyatlarni rivojlantirishdagi o‘rni hamda axloqiy tarbiya berish jarayonida yuzaga keladigan muammolar tahlil qilingan. Tadqiqotda boshlang‘ich sinf o‘quvchilarida axloq-odob me’yorlarini shakllantirishda hadislar asosida yaratilgan hikoya va rivoyatlardan foydalanishning pedagogik imkoniyatlari ko‘rsatib berilgan. Shuningdek, interfaol va innovatsion metodlar, jumladan, didaktik o‘yinlar va klaster metodidan foydalanish orqali o‘quvchilarda mas’uliyat, mehr-shafqat, halollik, o‘zaro hurmat kabi axloqiy fazilatlarni rivojlantirish yo‘llari asoslab berilgan. Maqolada taklif etilgan metodlar o‘quvchilarning hissiy ongini rivojlantirish, mustaqil fikrlash qobiliyatini oshirish hamda axloqiy xulq-atvorni shakllantirishda samarali ekanligi ta’kidlangan.