OY TO'LIN BO'LSA, QO'L BILAN KO'RSATILMAYDI

Izzat Sulton bosib o‘tgan yo‘l juda sermashaqqat va zalvorli, ayni paytda shonli va  sharaflidir. Boshqa jihatlarini gapirmaganda ham bolalik chog‘larida oilaviy sharoitdagi kutilmagan hodisalar, taqdirning “tag‘yir” qilib bo‘lmaydigan mashaqqatlarini boshdan kechirish, ayniqsa, yetimlik va qashshoqlik uqubatlarini boshdan o‘tkazish Izzat Otaxonovich Sultonovni shaxs sifatida tarbiyaladi, uni hayotning sermashaqqat, hatto boshi berk ko‘chalarigacha kiritib ko‘rdi, keyinroq amal pillapoyalarining nisbatan yuqori darajasigacha olib ham chiqdi.